ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಎಸ್ 20+, ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಬಡ್ಸ್+ ಬಿಟಿಎಸ್ ಆವೃತ್ತಿ ಅಧಿಕೃತವಾಗಿ ಜೂ.15 ರಂದು ಬಿಡುಗಡೆಯಾಗಿದೆ.
ದಕ್ಷಿಣ ಕೊರೊಯಾದ ಸ್ಮಾರ್ಟ್ ಫೋನ್ ತಯಾರಕ ಸಂಸ್ಥೆ ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಬಡ್ಸ್+ ಬಿಟಿಎಸ್ ಆವೃತ್ತಿಯ ಇಯರ್ ಬಡ್ಸ್ ನ್ನೂ ಇದೇ ವೇಳೇ ಮಾರುಕಟ್ಟೆಗೆ ಪರಿಚಯಿಸಿದೆ. ನೇರಳೆ ಬಣ್ಣದಲ್ಲಿ ಲಭ್ಯವಿದ್ದು ಕೆ-ಪಾಪ್ ಬಾಂಡ್ ನ್ನು ಹೊಂದಿರುವುದು ಈ ಮೂರು ಸಾಧನಗಳ ವಿಶೇಷತೆಯಾಗಿದೆ.
ವಿಶೇಷ ಆವೃತ್ತಿಯ ಸ್ಮಾರ್ಟ್ ಫೋನ್ ಗಳ ಹಿಂಬದಿಯ ಪ್ಯಾನಲ್ ನೇರಳೆ ಬಣ್ಣದಲ್ಲಿದ್ದು, ಕೆಳಭಾಗದಲ್ಲಿ ಬಿಟಿಎಸ್ ಲೋಗೋ ಹೊಂದಿದೆ. ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಬಡ್ಸ್+ ಬಿಟಿಎಸ್ ಆವೃತ್ತಿಯ ಚಾರ್ಜಿಂಗ್ ಉಪಕರಣ ಹಾಗೂ ಇಯರ್ ಬಡ್ಸ್ ನ ಬದಿಗಳನ್ನು ಸಹ ವಿಶಿಷ್ಟ ನೇರಳೆ ಬಣ್ಣದಲ್ಲಿ ವಿನ್ಯಾಸ ಮಾಡಲಾಗಿದ್ದು ಮಾರುಕಟ್ಟೆಗೆ ಪರಿಚಯಿಸಲಾಗಿದೆ.
ಸಾಫ್ಟ್ ವೇರ್ ಬದಲಾವಣೆ, ವಿನ್ಯಾಸದ ಬಣ್ಣ, ವಿನ್ಯಾಸವನ್ನು ಹೊರತುಪಡಿಸಿದರೆ ಈ ಮೂರೂ ಸಾಧನಗಳ ಹಿಂದಿನ ಆವೃತ್ತಿಗಿಂತ ಇವುಗಳ ವಿಶೇಷಣಗಳಲ್ಲಿ ಹೆಚ್ಚಿನ ಬದಲಾವಣೆ ಮಾಡಲಾಗಿಲ್ಲ.
ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಎಸ್20+ 5ಜಿ ಬಿಟಿಎಸ್ ಆವೃತ್ತಿ, ಸ್ಯಾಮ್ ಸಂಗ್ ಎಸ್ 20+ ಬಿಟಿಎಸ್ ಆವೃತ್ತಿ, ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಬಡ್ಸ್+ ಬಿಟಿಎಸ್ ಎಡಿಷನ್ ಗಳು ಸ್ಯಾಮ್ ಸಂಗ್.ಕಾಂ ನಲ್ಲಿ ಜೂ.19 ರಿಂದ ಲಭ್ಯವಿದ್ದು, ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಬಡ್ಸ್+ ಬಿಟಿಎಸ್ ಆವೃತ್ತಿಗೆ 15,2೦೦ ರೂಪಾಯಿಗಳನ್ನು ನಿಗದಿಪಡಿಸಲಾಗಿದೆ.
ಸ್ಯಾಮ್ ಸಂಗ್ ಗ್ಯಾಲೆಕ್ಸಿ ಎಸ್ 20+ ಬಿಟಿಎಸ್ ಆವೃತ್ತಿಯ ವಿಶೇಷತೆಗಳು
- ಸ್ಯಾಮ್ ಸಂಗ್ ಎಕ್ಸಿನೋಸ್ 990 ಚಾಲಿತ, ಎ6.7 ಇಂಚಿನ ಇನ್ಫಿನಿಟಿ-O ಡೈನಮಿಕ್ AMOLED 2X ಡಿಸ್ಪ್ಲೆ
- 8ಜಿಬಿ ರ್ಯಾಮ್, ತ್ರಿವಳಿ ಹಿಂಬದಿ ಕ್ಯಾಮರಾಗಳು, ಸೆಲ್ಫಿ ಮತ್ತು ವಿಡಿಯೋ ಕಾಲಿಂಗ್ ಗೆ 10ಮೆಗಾ ಪಿಕ್ಸಲ್ ಫ್ರಂಟ್ ಕ್ಯಾಮರ
- 4,500 ಎಂಎಹೆಚ್ ಬ್ಯಾಟರಿ
- ಕೇವಲ ಮೂರು ನಿಮಿಷ ಚಾರ್ಜ್ ಮಾಡಿದರೆ ಒಂದು ಗಂಟೆ ಬಳಕೆ
